Զանգելանում տեղակայված թուրքական F-16-երն Իրանին կսթափեցնեն. ադրբեջանցի պատգամավոր
Թուրքական F-16-երի տեղակայումը Զանգելանում սթափեցնող ազդեցություն կունենա Իրանի համար։
Ադրբեջանի խորհրդարանի պատգամավոր Ռասիմ Մուսաբեկովն առաջարկել է Իրանի իշխանություններին սանձել թուրքական կործանիչներով։
«Այաթոլլահների ռեժիմը խաղում է իրավիճակը սրելու հետ: Կարծում եմ, որ Զանգելանի օդանավակայանում թուրքական F-16-երի էսկադրիլիա տեղակայելը սթափեցնող ազդեցություն կունենա ռազմական սադրանքների հակված իրանական ահաբեկիչների հետ»,- ասաց պատգամավորը։
Նա նշել է, որ թուրքական ռազմական ինքնաթիռները բազմիցս մասնակցել են զորավարժություններին Ադրբեջանի տարածքում և այստեղ են եղել նաև 2020 թվականի աշնանը՝ Ղարաբաղյան երկրորդ պատերազմի ժամանակ։
«2001 թվականին «Թուրքական աստղերի» ցուցադրական թռիչքները Բաքվի վրայով ուշքի բերեցին Իրանին, որի մարտական ինքնաթիռները սադրիչ կերպով պտտվեցին ադրբեջանական գեոդեզիական նավի շուրջ և կոպտորեն խախտեցին Ադրբեջանի օդային տարածքը: Ըստ երևույթին, այս դասը պետք է կրկնել, բայց ժամանակակից տարբերակով՝ թուրքական ռազմական ավիացիայի մշտական հենակետով»,- առաջարկել է պատգամավորը։
Մուսաբեկովն Իսրայելի հետ համագործակցությամբ երկրի հակաօդային և հակահրթիռային պաշտպանության ներուժի ավելացումն ավելորդ չի համարում։
