Եթե խաղաղության փաստաթուղթը խախտելու դեպքում որևէ միջազգային երաշխիք չկա, ուրեմն դա փաստաթուղթ է ընտրությունների համար. այսօրվա ասուլիսին հայտարարեց ՀՀ երկրորդ նախագահ Ռոբերտ Քոչարյանը։
Խոշոր ուժային կենտրոնները, ԱՄՆ-ն ցանկություն չունեն ՄԱԿ-ին տալ այն լիազորություները, որոնցով այդ կառույցը կարող է զսպել ռազմական սպառնալիքները։ Այդ վիճակում Ադրբեջանն իր ռազմական բյուջեն մեծացնում է, Հայաստանը՝ փոքրացնում:
Ռոբերտ Քոչարյանն արձանագրում է. «Հայաստանի իշխանությունը դա անում է, որովհետև Ալիևն ասել է՝ Հայաստանին զսպելու է, թույլ չի տալու, որ զինվի։ Մենք չգիտենք՝ փակ դռների հետևում ինչեր են խոսվել։ Եթե մի բան տրամաբանված բացատրություն չունի, մնում է ենթադրություններ անել»։
Նրա համոզմամբ՝ կայուն խաղաղությունը այն խաղաղությունն է, որը հենված է ուժերի բալանսի վրա, եթե ուժերի բալանսի վրա չի հենվում, ուրեմն խաղաղությունը կողմերից մեկի բարի կամքից է կախված։ Հիմա մենք կարո՞ղ ենք հենվել Ալիևի բարի կամքի վրա։ Այն Ալիևի, որ հայ սպային կացնահարելու համար ադրբեջանցի սպային հերոսի կոչում տվեց։
