Ստամբուլում ավարտվեց Ռուսաստանի և Ուկրաինայի ներկայացուցիչների միջև ուղիղ բանակցությունների երկրորդ փուլը։ Բանակցությունները տևեցին մոտ մեկ ժամ, այսինքն՝ դրանք մայիսին կայացած առաջին փուլի կեսԻց էլ կարճ էին. Գրումէ BBC-ն։
Հանդիպումը տեղի է ունեցել Բոսֆորի ափին գտնվող Չիրագան պալատում: Ռուսական պատվիրակությունը, ինչպես նախորդ անգամ, գլխավորել է նախագահի օգնական Վլադիմիր Մեդինսկին, իսկ ուկրաինականը՝ պաշտպանության նախարար Ռուստեմ Ումերովը:
Ինչպես հաղորդում է BBC-ի ռուսական ծառայության թղթակիցը, բանակցություններից հետո տեղի ունեցած մամուլի ասուլիսում ուկրաինական պատվիրակությունը հայտարարել է, որ Մոսկվան իր պահանջները փոխանցել է Կիևին, և այժմ Ուկրաինային մեկ շաբաթ կպահանջվի փաստաթուղթն ուսումնասիրելու և հետագա քայլերը որոշելու համար։
Ուկրաինան պահանջում է վերադարձնել Ռուսաստանի կողմից երկրից տարված երեխաներին և գերիներին։ Ռուսաստանը ստացել է մի քանի հարյուր երեխաների ցուցակ, որոնց վերադարձը պահանջում է Կիևը։ Ինչ վերաբերում է վիրավորներին, Ուկրաինան առաջարկում է նախ փոխանակել ծանր վիրավորված, 19-25 տարեկան երիտասարդ զինծառայողներին՝ «բոլորը բոլորի դիմաց» ձևաչափով, ինչպես նաև փոխանցել բոլոր զոհվածների մարմինները։
Բացի այդ, ուկրաինական պատվիրակությունն առաջարկել է ամսվա վերջին՝ հունիսի 20-ից 30-ը, պլանավորել Ռուսաստանի և Ուկրաինայի նախագահների հանդիպումը՝ Սպիտակ տան ղեկավարի հետ։
Ուկրաինական պատվիրակության անդամ, Ուկրաինայի արտաքին գործերի փոխնախարար Սերգեյ Կիսլիցյան հիշեցրել է, որ Ռուսաստանը իր հուշագիրը Կիևին է հանձնել միայն այս հանդիպման ժամանակ։ «Ռուսաստանն ինքն է առաջարկել, որ մենք ավելի մանրամասն ծանոթանանք դրանց», – հավելել է նա։
առաջնորդների հանդիպման նախապատրաստական աշխատանքները, հրադադարը, վստահության ամրապնդման միջոցառումները, առաջնորդների հանդիպումը։
Փաստաթղթում հիմնականում ասվում է այն, ինչ Ուկրաինան բազմիցս հրապարակավ հայտարարել է։ Օրինակ՝ 30 օրով (երկարաձգման հնարավորությամբ) օդում, ցամաքում և ծովում լիակատար և անվերապահ հրադադարի պահանջը։
Միևնույն ժամանակ, հուշագիրը պարունակում է ուշադրություն գրավող կետեր։ Օրինակ, դրանցից մեկում նշվում է, որ Ուկրաինան պահանջում է անվտանգության երաշխիքներ և «չի ստանձնի չեզոք մնալու պարտավորություն»։
Մասնավորապես, Կիևը կարող է ձգտել անդամակցության ՆԱՏՕ-ին կամ Եվրամիությանը: Բացի այդ, որևէ սահմանափակում չպետք է կիրառվի ուկրաինական բանակի կամ բարեկամ երկրների զորքերի տեղակայման վրա Ուկրաինայի տարածքում:
Կրեմլը բազմիցս հայտարարել է, որ Ուկրաինայի ՆԱՏՕ-ին չանդամակցելը անհրաժեշտ է «հակամարտության արմատական պատճառները վերացնելու» համար։
Մեկ այլ կետում նշվում է, որ Կիևը համաձայն է, որ Մոսկվայի նկատմամբ որոշ պատժամիջոցներ կարող են վերացվել փուլ առ փուլ։ Միաժամանակ առաջարկվում է ներդնել պատժամիջոցների վերականգնման մեխանիզմ (նման մեխանիզմ ներկայումս նախատեսված է ՄԱԿ-ի կողմից Իրանի դեմ սահմանված պատժամիջոցներով)։ Սա նշանակում է Մոսկվայի նկատմամբ սահմանափակումների ավտոմատ վերականգնում հրադադարի խախտման դեպքում։
