Ալիևը Շառլ Միշելին բողոքել է, թե իբր Հայաստանը զենք-զինամթերք է տեղափոխում «Ադրբեջանի տարածք», այսինքն՝ Արցախ
Ադրբեջանի նախագահ Իլհամ Ալիևը մարտի 25-ին Եվրամիության խորհրդի նախագահ Շառլ Միշելի հետ հեռախոսազրույցում նշել է, որ իբր Հայաստանը դեռևս իրականացնում է զենք, զինամթերքի փոխադրումներ դեպի Ադրբեջանի տարածք, որտեղ ժամանակավորապես տեղակայված են ռուսական խաղաղապահ ուժերը։
Այս մասին հայտնում է РИА Новости-ն՝ հղում անելով Ադրբեջանի ղեկավարի մամուլի ծառայությանը։
Ադրբեջանի նախագահն ուշադրություն է հրավիրել էսկալացիային ուղղված Հայաստանի ղեկավարության վտանգավոր պաշտոնական հայտարարություններին։
Նա նշել է, թե 2023 թվականի մարտի 20-ին՝ «Հայաստանի հերթական սադրանքի ժամանակ, հայ-ադրբեջանական պետական սահմանի ուղղությամբ, որտեղ գտնվում է Եվրամիության առաքելությունը, վիրավորվել է պետական սահմանային զինծառայող»։
«Իսկ մարտի 5-ին, հայկական զորամիավորումների կողմից իրականացված իրականացված սադրանքի հետևանքով մեր երկու զինծառայողները նահատակվել են»,- Միշելին ասել է Ալիևը:
