Ալիևը Հայաստանին պարտադրում է հայտարարել՝ Լեռնային Ղարաբաղն Ադրբեջան է
«Հայաստանը պետք է հաստատի, որ Բաքվի նկատմամբ տարածքային պահանջներ չունի՝ հայտարարելով, որ «Լեռնային Ղարաբաղը Ադրբեջան է»,- ասել է հայտարարել է Ադրբեջանի նախագահ Իլհամ Ալիևը։
«Հայաստանը, որը ժամանակին ասում էր «Ղարաբաղը Հայաստան է և վերջ», այսօր պետք է կրկնի մեր խոսքերը՝ «Ղարաբաղը Ադրբեջան է»։ Հայաստանը, որը հայտարարել է Ալմա-Աթայի հռչակագրի հիման վրա խաղաղության պայմանագրի իր պատրաստակամության մասին, այժմ պետք է պաշտոնապես հայտարարի, որ Ղարաբաղը Ադրբեջան է»,- Ալիևի խոսքը փոխանցում են ադրբեջանական լրատվամիջոցները։
«Անցյալ տարվա հոկտեմբերին, Պրահայում և Սոչիում կայացած հանդիպումներում Հայաստանը պաշտոնապես ճանաչեց Ադրբեջանի տարածքային ամբողջականությունն ու ինքնիշխանությունը։ Այսինքն՝ համաձայնել է, որ Ադրբեջանի և Հայաստանի միջև սահմանները պետք է որոշվեն 1991 թվականի Ալմա-Աթայի հռչակագրի հիման վրա։ Հայաստանը սկզբունքորեն համաձայն է խաղաղ պայմանագրի հարցում ադրբեջանական մոտեցմանը, այլ տարբերակ չկա»,- ասել է Ալիևը։
