Ադրբեջանն ազատ է Լաչինի ճանապարհի վերաբերյալ ընդունելու ցանկացած որոշում, որն անհրաժեշտ է համարում, դա նրա ինքնիշխան իրավունքն է. հայտարարել է Թուրքիայի արտգործնախարար Հաքան Ֆիդանը։
«Դուք գիտեք, որ Լաչինի ճանապարհը Ադրբեջանի տարածքն է։ Ուստի Ադրբեջանը ձեռնարկում է ցանկացած միջոց, որն անհրաժեշտ է համարում, դա նրա ինքնիշխան իրավունքն է»,- ասել է Ֆիդանը Անկարայում իր ադրբեջանցի գործընկեր Ջեյհուն Բայրամովի հետ հանդիպմանը։
