«Լաչինի միջանցքի» ապաշրջափակման վերաբերյալ Արդարադատության դատարանի որոշումը կհրապարակվի փետրվարի 22-ին
Արդարադատության միջազգային դատարանը ծանուցել է, որ Լաչինի միջանցքի ապաշրջափակման վերաբերյալ ժամանակավոր միջոց կիրառելու Հայաստանի պահանջի մասին որոշումը կհրապարակվի փետրվարի 22-ին՝ Երևանի ժամանակով 19:00-ին, հրապարակային նիստում:
Այս մասին հայտնում է Միջազգային իրավական հարցերով ներկայացուցչությունը։
Նույն օրը՝ ավելի ուշ, կհրապարակվի նաև Ադրբեջանի կողմից ներկայացված ժամանակավոր միջոց կիրառելու վերաբերյալ պահանջի մասին որոշումը:
