Իրանի արտաքին գործերի նախարար Հոսեյն Ամիր Աբդոլլահյանը ամերիկյան NBC News-ին տված հարցազրույցում Իրանի վրա հարձակման ժամանակ օգտագործված զենքերն անվանել է «ավելի նման մանկական խաղալիքների»:
«Այն, ինչ տեղի ունեցավ անցած գիշեր, հարված չէր»,- NBC News-ին ասել է Իրանի արտաքին գործերի նախարարը։ «Դրանք նման էին խաղալիքների, որոնցով խաղում են մեր երեխաները, ոչ թե դրոնների»:
Ամիր Աբդոլլահյանը, ով Նյու Յորքում զրուցել է NBC News-ի հետ, որտեղ նա մասնակցում էր ՄԱԿ-ի Անվտանգության խորհրդի նիստին, ասել է, որ Իրանը չի պատրաստվում պատասխանել, քանի դեռ Իսրայելը լուրջ հարձակում չի ձեռնարկել:
«Քանի դեռ Իսրայելը նոր արկածախնդիր գործողություններ չի ձեռնարկել մեր շահերի դեմ, մենք չենք պատրաստվում որևէ նոր պատասխան գործողություններ ձեռնարկել»,- ասել է նա։
Միաժամանակ արտգործնախարարը զգուշացրել է, որ եթե Իսրայելն իսկապես հարձակվի Իրանի վրա, պատասխանը կլինի արագ և կոշտ։
«Եթե Իսրայելը վճռական գործողություններ ձեռնարկի իմ երկրի դեմ, և դա ապացուցվի, ապա մեր պատասխանը կլինի անհապաղ և առավելագույնը և կստիպի նրանց զղջալ դրա համար», – հայտարարել է նա:
