Իրանի զինված ուժերի գլխավոր շտաբը հերքել է Fars գործակալության հրապարակումը Իսլամական Հանրապետության նախագահ Էբրահիմ Ռաիսիի ուղղաթիռի կործանման պատճառների մասին։ Այս մասին փոխանցում է ՏԱՍՍ-ը։
«Fars գործակալության այն տեղեկությունը, որ ուղղաթիռի կործանման գործոններից մեկը եղել է ևս երկու ուղևորի առկայությունը, հակառակ անվտանգության արձանագրություններին, ինչի պատճառով ուղղաթիռը բավարար ուժ չի ունեցել անհրաժեշտ բարձրությունը հավաքելու համար, սուտ է», – ասված է գործակալության հաղորդագրության մեջ:
Fars-ը հայտնել էր, որ ինքնաթիռի կործանման պատճառը եղանակային պայմաններն էին և որ ուղևորների թիվը գերազանցել էր սահմանաչափը, ուղղաթիռը չի կարողացել անհրաժեշտ բարձրություն հավաքել և մառախլապատ պայմաններում բախվել է սարին։
Հիշեցնենք, որ մայիսի 19-ին նախագահ Ռաիսիին, արտգործնախարար Աբդոլլահիանին, տեղական իշխանությունների ներկայացուցիչներին տեղափոխող ուղղաթիռը «կոշտ վայրէջք» էր կատարել Իրանի Արևելյան Ադրբեջան նահանգում, ինչի հետևանքով ուղղաթիռի անձնակազմն ու բոլոր ուղևորները մահացել էին։
