ԻԻՀ ԱԳ նախարարը երեքշաբթի օրն արձագանքելով Կատարի վրա Իսրայելի հարձակմանը, հայտարարել է. «Ռեժիմի գործողություններին վճռականորեն դիմակայելու միակ ճանապարհը իսլամական աշխարհի կողմից համակարգված և միասնական գործողություններ ձեռնարկելն է», գրում է parstoday.ir-ը:
Հղում անելով ԻՌՆԱ-ին, Pars Today-ը հաղորդում է, որ Աբբաս Արաղչին X-ում գրել է. «Իսրայելական ռեժիմը չարիք է գործել, որի մասին Իրանը երբեք անգամ չէր մտածի։ Ռեժիմը հարձակվել է Կատարի սիրելի ժողովրդի և կառավարության վրա։ Իրանը կանգնած է իր կատարցի և պաղեստինցի եղբայրների կողքին և խստորեն դատապարտում է այս անօրինական հարձակումը քաղաքային տարածքների վրա, որտեղ գտնվում էին Կատարի կառավարության հյուրերն ովքեր ոչ մեկի համար սպառնալիք չեն ներկայացրել»։
Իրանի ԱԳ նախարարն ընդգծել է. «Մենք նաև մեր ցավակցությունն ենք հայտնում հարձակման հետևանքով Կատարի մեկ քաղաքացու և մի խումբ պաղեստինցիների նահատակության կապակցությամբ։ Իսրայելի ռեժիմի անխոհեմ վարքագծին վճռականորեն դիմակայելու միակ ճանապարհը իսլամական աշխարհի համակարգված և միասնական գործողություններն են։ Իրանը լիովին պատրաստ է ընդլայնել համագործակցությունը՝ միջազգային խաղաղությանն ու անվտանգությանը սպառնացող վտանգներին դիմակայելու համար»։
