Գերմանիան, որն անհանգստացած է Ուկրաինայի անդամակցությունից հետո Եվրամիությունում իր ներկայիս իշխանությունը կորցնելու համար, կոչ է արել վերանայել որոշ օրենքներ՝ կապված այս միությունում իշխանության բաշխման հետ։
Բարձրաստիճան դիվանագիտական աղբյուրը Daily Telegraph-ին հայտնել է, որ Գերմանիայի կանցլեր Օլաֆ Շոլցը Բրյուսելում իր եվրոպացի գործընկերների հետ հանդիպման ժամանակ բարձրացրել է այդ հարցը և պահանջել, որ մինչ Կիևը միանա Եվրամիությանը, որոշ համաձայնագրեր և այս միության պայմանագրերը պետք է վերանայվեն¹:
Միջազգային և անվտանգության հարցերի գերմանական ինստիտուտի վերլուծության համաձայն, եթե Ուկրաինան դառնա Եվրամիության լիիրավ անդամ, ապա այն կդառնա Միության հինգերորդ, բայց ամենաաղքատ երկիրը։
Թվում է, թե չնայած Ուկրաինայի անդամակցության ակնհայտ ողջունմանը, Կիևի անդամակցությունը որոշ կուլիսային մտահոգություններ է առաջացրել:
Համաձայն այս միության ներկայիս քվեարկության համակարգի, որը չափվում է երկրների թվով և նրանց բնակչությամբ, Ուկրաինան կարող է տիրել այս միության իշխանության 9%-ին։
Չնայած Գերմանիան Եվրամիության ամենամեծ և ամենահարուստ երկիրն է, Ուկրաինայի մասնաբաժինը, Լեհաստանի (որը Կիևի մերձավոր դաշնակիցն է) ձայների հետ մեկտեղ, կարող է ավելի մեծացնել այս երկու երկրների հավաքական ուժը Եվրամիությունում քան Գերմանիան։
Միջազգային և անվտանգության հարցերի գերմանական ինստիտուտի անդամ Նիկոլայ ֆոն Օնդարզան ասել է. «Այս հարցը կտեղափոխի Եվրամիությունում ուժերի հավասարակշռությունը Ֆրանսիայից և Գերմանիայից Կենտրոնական և Արևելյան Եվրոպա, և այդ երկրները, սկանդինավյան երկրների հետ միասին, առաջին անգամ կունենան ավելի մեծ իշխանություն քվեի դիտանկյունից:
Շոլցը ցանկանում է փոխել քվեարկության համակարգը, որպեսզի ապահովի, որ միությունում ուժային բլոկներ չձևավորվեն և ավելի շատ վարկ պահանջեն իրենց հարուստ արևմտյան դաշնակիցներից:
Շատերը վաղուց էին ցանկանում չեղարկել Եվրամիության երկրների վետոյի իրավունքը և այս միությունում որոշումներ կայացնելու չափորոշիչ դնել մեծամասնության ձայնը։ Գերմանացի ղեկավարը նույնպես աջակցում է այս հարցին։
Եվրոպական միության գործող կանոնակարգերի համաձայն՝ որոշ կարևոր որոշումներ, այդ թվում՝ հարկային քաղաքականության կամ արտաքին քաղաքականության ոլորտում, պետք է ընդունվեն բոլոր անդամների համաձայնությամբ։ Սա թույլ է տալիս 27 անդամ երկրներից մեկին կանխել կամ հետաձգել որոշում կայացնել կոնկրետ ոլորտում: Վերջին տասնամյակների ընթացքում Եվրամիության ընդլայնման ալիքների քննադատները կարծում են, որ անդամների թվի աճն այն գործոններից մեկն է, որը դժվարացրել է այս միությունում կոնսենսուսի հիման վրա որոշումներ կայացնելը։
Ֆրանսիայի նախագահ Էմանուել Մակրոնն ավելի վաղ կոչ էր արել փոխել Եվրամիության քվեարկության համակարգը՝ այս միության փոքր անդամների կողմից իր երկրի նպատակների խաթարումը կանխելու համար։
Փետրվարի 24-ին Ուկրաինայի վրա ռուսական հարձակումից հետո Ուկրաինան հայտ է ներկայացրել Եվրամիությանն անդամակցելու համար և վերջերս ստացել է «անդամության թեկնածուի» կոչում։ Ակնկալվում է, որ այս գործընթացը կտևի մի քանի տասնամյակ, քանի որ Ուկրաինան պետք է ձեռնարկի բազմաթիվ դատական, տնտեսական, ժողովրդավարական և հակակոռուպցիոն բարեփոխումներ՝ ԵՄ արժեքներին և օրենքներին համապատասխանեցնելու համար:
Սակայն Ուկրաինայի նախագահ Վլադիմիր Զելենսկին խնդրել է արագացնել իր երկրի անդամակցության գործընթացը։ Նա ասաց. «Մեր անդամակցությունը չպետք է տևի տասնամյակներ կամ տարիներ: Մենք պետք է արագ հաղթահարենք այս ճանապարհը»։
Թեև Ուկրաինայի անդամակցությունը ողջունել են այս միության անդամ բոլոր 27 երկրները, սակայն Գերմանիան միակ երկիրը չէ, որը մտահոգություն է հայտնում այս կապակցությամբ։
Ավելին` սկզբնաղբյուր կայքում
