Ինձ գրում են, զանգում են, հարցնում. «Այսօր ի՞նչ կա անելու, ի՞նչ ակցիաներ կան»։
Ես պատասխան չունեմ։ Այս մասին ֆեյսբուքյան իր էջում գրել է ռազմական փորձագետ Կարեն Վրթանեսյանը:
«Հարցը փոխանցեմ ընդդիմադիր քաղաքական ուժերին. տիկնայք և պարոնայք, բողոքի ի՞նչ ակցիաներ եք պատրաստում։
Թշնամու զորքը 10րդ օրն է՝ ՀՀ տարածքում է, Նիկոլը բաց հայտարարեց, որ հերթական պետականակործան փաստաթուղթն է պատրաստ ստորագրել, իսկ երեկվա ոչ մեծ ու հախուռն հավաքից զատ այլ բան չի եղել։
Եթե համարում եք, որ հիմա ճիշտը փողոց դուրս չգալն է (ես այդպես չեմ համարում, բայց գուցե սխալվում եմ), ապա ինչ-որ հասկանալի հիմնավորում տվեք ժողովրդին։
Որպեսզի հենց վաղը Նիկոլի պառակտիչները նույն այդ ժողովրդին չասեն. «Տեսե՛ք, ընդդիմադիր կուսակցությունները ոչ մի բան էլ չարեցին, նշանակում է իրենք էլ են Նիկոլի հետ նույն խաղի մեջ»։
Շնորհակալություն ուշադրության համար»,- գրել է Վրթանեսյանը։
