ԱՄՆ նախագահ Դոնալդ Թրամփը ներկայացրել է «ոսկե քարտի» դիզայնը, որը հարուստ օտարերկրյա ներդրողներին 5 միլիոն դոլարով ամերիկյան քաղաքացիություն ստանալու հնարավորություն կտա։
Թրամփը դեռ փետրվարին հայտարարեց «ոսկե քարտ» ծրագրի մեկնարկի մասին։ Հինգշաբթի օրը նա նախագահական ինքնաթիռում գտնվող լրագրողներին ցույց տվեց դրա նախնական պատճենը։
«5 միլիոն դոլարով այն կարող է լինել ձերը: Գիտե՞ք սա ինչ քարտ է: Սա Թրամփի բացիկն է», – ասաց Թրամփը՝ ցույց տալով իր դիմանկարով զարդարված ոսկեգույն բացիկը:
Թրամփի խոսքով՝ ոսկե քարտը հնարավոր կլինի գնել երկու շաբաթից էլ քիչ ժամանակում։
Աղբյուր՝ ՌԻԱ Նովոստի
