Թեև այս պահին Էրդողան-Փաշինյան-Ալիև եռակողմ հանդիպում նախատեսված չէ, սակայն չեմ էլ կարող դա բացառել, լրագրողների հետ զրույցում այսօր այս մասին ասաց ԱԺ ՔՊ խմբակցության պատգմավոր Արման Եղոյանը։
«Որ ասում եք՝ հնարավո՞ր է, դժվարանում եմ այդ հարցին պատասխանել։ Որ ասեմ՝ հնարավոր է, կասեք՝ դե ուրեմն մի բան գիտեմ, բայց չէ, տեղեկություն չունեմ։ Գիտե՞ք՝ միջազգային հանդիպումները ոնց են լինում. շատ հաճախ որոշումները կայացվում են հենց տեղում։
Կարծում եմ՝ այցը շատ կարևոր է՝ հատկապես այս եռացող տարածաշրջանում։ Կարծում եմ՝ Թուրքիայի հետ պետք է խոսել, հասկանալ միմյանց։ Եթե Թուրքիան նպատակ ունենա Ադրբեջանին կառուցողական դաշտ բերել, նման հնարավորություն հաստատ ունի։ Այլ հարց է՝ քաղաքական կամք կունենա, թե ոչ»,- ամփոփեց Եղոյանը։
Հիշեցնենք, որ Նիկոլ Փաշինյանը հունիսի 20-ին աշխատանքային այցով կմեկնի Թուրքիա։ Նախագահ Ռեջեփ Էրդողանը նրան կընդունի Ստամբուլում։
Ալիևը Թուրքիա կմեկնի այսօր։
