Էր Ռիադում Ռուսաստանի և ԱՄՆ-ի պատվիրակությունների միջևբանակցություններ են տեղի ունեցել։ Մոսկվան և Վաշինգտոնը քննարկել են երկկողմ հարաբերությունները, Ուկրաինայում իրավիճակի կարգավորումը և երկու երկրների ղեկավարների հանդիպման նախապատրաստումը։ Հանդիպման արդյունքները՝ներկայացնում է «ՌԻԱ Նովոստի»-ն։
*«Զրույցը, կարծում եմ, շատ օգտակար էր: Ես հիմքեր ունեմ ենթադրելու, որ ամերիկյան կողմը սկսել է ավելի լավ հասկանալ մեր դիրքորոշումը»,- նշել է արտգործնախարար Սերգեյ Լավրովը:
*Հանդիպումը տեղի է ունեցել ՌԴ և ԱՄՆ նախագահների հանձնարարությամբ, որոնք համաձայնել են անձամբ հանդիպել և որոշակիացնել հարցերը, որոնք պետք է մշակվեն մինչև բանակցությունների մեկնարկը։
*Կողմերը պայմանավորվել են ապահովել երկու պետությունների մայրաքաղաքներում դեսպանների հնարավորինս շուտ նշանակելու գործընթացը և մեկընդմիշտ լուծեն դիվանագիտական առաքելությունների աշխատանքի խնդիրը։
*Ռուսաստանի ներկայացուցիչները հայտնել են ամերիկյան պատվիրակությանը, որ ՆԱՏՕ-ի զորքերի ներկայությունն Ուկրաինայում անընդունելի է Մոսկվայի համար, նույնիսկ եթե դրանք գտնվում են Եվրամիության հովանու, օտարերկրյա կամ ազգային դրոշների ներքո։
*Առաջիկայում կձևավորվի ուկրաինական կարգավորման գործընթաց։
*Ռուսաստանի և ԱՄՆ-ի միջև այս հարցի շուրջ խորհրդակցությունները կանոնավոր կլինեն, երբ երկու կողմերն էլ կնշանակեն բանակցային թիմեր։
*Կողմերը կնշանակեն իրենց ներկայացուցիչներին, որոնք կաշխատեն հակամարտությունը դադարեցնելու ուղղությամբ։
*Ուկրաինայում հակամարտությունը դադարեցնելու աշխատանքը երկար ժամանակ կպահանջի «դժվար և բարդ դիվանագիտություն»։
*Իրավիճակը կարող է լուծվել միայն բոլոր կողմերի համաձայնությամբ.
*Մարտերի դադարեցումը բոլոր կողմերից զիջումներ կպահանջի։
*Թրամփը ցանկանում է արդարացիորեն ավարտել հակամարտությունը Ուկրաինայում և թույլ չտալ, որ այն կրկնվի «երկու-երեք տարուց»։
*Վաշինգտոնը բանակցություններ է վարում ուկրաինական հակամարտության երկու կողմերի հետ՝ ներառյալ Կիևը․
*ԵՄ-ն ինչ-որ պահի պետք է լինի բանակցությունների սեղանի շուրջ, քանի որ պատժամիջոցներ է սահմանել Ռուսաստանի դեմ․
*Մոսկվայի դեմ պատժամիջոցները ուկրաինական հակամարտության հետևանք են, և Վաշինգտոնի խնդիրն է վերջ տալ դրան։
*Մոսկվան և Վաշինգտոնը համաձայնել են, որ իրավիճակի կարգավորումը պետք է լինի ուժեղ, կայուն և ընդունելի բոլոր կողմերի համար։
*ԱՄՆ-ն իրեն համարում է միակ կողմը, որն ի վիճակի է խաղաղության համաձայնագրի հասնել Ռուսաստանի և Ուկրաինայի միջև։
Բանակցությունները տեւել են 4,5 ժամ։ Ռուսական կողմը ներկայացնում էին արտաքին գործերի նախարար Սերգեյ Լավրովը և նախագահի օգնական Յուրի Ուշակովը, իսկ Վաշինգտոնը ներկայացնում էին պետքարտուղար Մարկո Ռուբիոն , ազգային անվտանգության հարցերով խորհրդական Մայք Վալցը և Մերձավոր Արևելքի հարցերով հատուկ բանագնաց Սթիվեն Վիտկովը։
