Զելենսկին ու Էրդողանը հանդիպել են Անկարայում
Մեկնարկել է Թուրքիայի նախագահ Ռեջեփ Թայիփ Էրդողանի և Ուկրաինայի նախագահ Վլադիմիր Զելենսկու հանդիպումը։
Հանդիպումը տեղի է ունենում Անկարայում։
«ՌԲԿ-Ուկրաինա» պարբերականը հայտնում է, որ երկու նախագահների հանդիպումն անցկացվում է Անկարայի նախագահական համալիրում։
Ըստ թուրքական լրատվամիջոցների՝ մամուլի համար փակ ընդունելության ժամանակ տեղի է ունեցել Ուկրաինայի և Թուրքիայի պատվիրակությունների հանդիպումը։
Զելենսկիի և Էրդողանի երկկողմ հանդիպումից հետո կկայանա նաև պատվիրակությունների միջև աշխատանքային հանդիպում։
Ստամբուլում նախատեսված ռուս-ուկրաինական ուղիղ բանակցությունները պետք է տեղի ունենան օրվա երկրորդ կեսին։ Ըստ BBC-ի՝ ուկրաինական պատվիրակության կազմը դեռ վերջնական չէ։ Զելենսկին, որպես պատվիրակության նախագահ, կարող է ցանկացած պաշտոնյայի ուղարկել Ստամբուլ։ Այժմ ուկրաինական պատվիրակության բոլոր անդամներն Անկարայում են՝ Էրդողանի հետ հանդիպմանը։
Ստամբուլում պետք է հանդիպեն Ռուսաստանի և Ուկրաինայի պաշտոնյաները՝ ուղիղ բանակցություններ անցկացնելու համար։
