Նախօրեին Ադրբեջանի կողմից տեղի ունեցած սադրանքի մասին տեղեկացվել է Հայաստանում ԵՄ առաքելությանը, այսօր արդեն ԵՄ առաքելության մամուլի ծառայությունը հաստատել է, որ հայկական կողմն իրենց տեղեկացրել է ընթացող ագրեսիվ գործողությունների, փոխհրաձգության մասին. ԱԺ-ում, հարցուպատասխանի ժամանակ ասաց ՀՀ ԱԳ նախարար Արարատ Միրզոյանը:
«ԵՄ դիտորդները նշել են, որ իրենք այդ պահին տեղում չեն եղել, բայց իրենց դիտարկումներն արել են: Իրենք իրենց զեկուցման մեխանիզմն ունեն, Բրյուսելում ԵՄ արտաքին ծառայությանն են զեկուցում՝ ոչ հրապարակային: Մենք առայժմ տեղեկություն չունենք, թե ինչպիսին է այդ զեկույցը»,- ասաց նա:
