«Դիմադրության» շարժումը Նիկոլ Փաշինյանի հրաժարականի պահանջով այսօր՝ մայիսի 10-ին, անհնազանդության երթ է իրականացնում Երեւանի 4 ծայրամասերից։ Երթերը մեկնարկում են Գայի պողոտայից՝ Մեգամոլի մոտից, Րաֆֆու փողոցից՝ Անդրանիկի արձանի մոտից, 15-րդ թաղամասից՝ Չաուշի արձանի մոտից, Սասունցի Դավթի արձանի մոտից և շարժվելու են դեպի կենտրոն:
«Հայրենիք» կուսակցության նախագահ Արթուր Վանեցյանը կգլխավորի Գևորգ Չաուշի արձանի մոտից մեկնարկող երթը, Լևոն Քոչարյանը կուղեկցի Մալաթիա-Սեբաստիա վարչական շրջանից սկսվող երթը, ԱԺ փոխնախագահ Իշխան Սաղաթելյանը՝ Նոր Նորքի Մեգամոլ առևտրի կենտրոնից մեկնարկող երթը, իսկ Սասունցի Դավթի արձանի դիմացից երթ կանեն ՀՀԿ-ականները: Նշենք, որ այսօր երեկոյան՝ 19.00-ին, «Դիմադրության» շարժումը նաև հանրահավաք է հրավիրել Ֆրանսիայի հրապարակում, որտեղ կամփոփի օրվա արդյունքները:
