Աշխարհը կանգնած է կլիմայի փոփոխության աննախադեպ սպառնալիքի առաջ, որը պայմանավորված է ջերմոցային գազերի արտանետմամբ՝ հանածո վառելիքից մեծ կախվածության պատճառով: Հակառակ այս ճգնաժամի մասշտաբներին, վտանգ կա, որ Բաքվում անցկացվող կլիմայական գագաթնաժողովը կարող է օգտագործվել օրակարգը հանածո վառելիքի օգտին առաջ մղելու համար:
Կոռուպցիայի դեմ պայքարի հուսալի միջոցների բացակայությունը լուրջ բացթողում է, անկախ նրանից, թե որ երկիրն է հյուրընկալում Կլիմայի փոփոխության համաժողովը:
Ընդսմին Ադրբեջանում COP29-ի կազմակերպումը վկայում է խնդրի մասշտաբները:
Transparency International-ի և Anti – Corruption Data Collective-ի զեկույցն ընդգծում է, թե ինչպես են ադրբեջանական ռեժիմը, նավթագազային ընկերությունները և լոբբիստները ձեռք ձեռքի տված աշխատել COP29-ին ընդառաջ՝ չափից դուրս կորպորատիվ ազդեցություն գործադրելու նպատակով:
Միաժամանակ մեծ հավանականություն կա, որ Ադրբեջանի կառավարությունը գագաթնաժողովը կօգտագործի որպես դիվանագիտական սքողում՝ իր ներքին նավթային և գազային շահերն առաջ մղելու և հանածո վառելիքի նոր գործարքներն ապահովելու միտումով:
Կլիմայի փոփոխության մասին ՄԱԿ-ի շրջանակային կոնվենցիան չափազանց երկար ժամանակ է պահանջել կոռուպցիայի դեմ պայքարի նպատակով համարժեք գործողություններ ձեռնարկելու համար: Դա ոչ միայն սպառնում է կլիմայի գլոբալ դիվանագիտության ամբողջականությանը, այլև խաթարում է առաջընթացը Փարիզի համաձայնագրի կլիմայական նպատակներին հասնելու ուղղությամբ:
