Արցախի Հանրապետության Ազգային ժողովը քննարկել է «Զինվորական ծառայության և զինծառայողի կարգավիճակի մասին» օրենքում փոփոխություններ և լրացումներ կատարելու մասին» օրենքի նախագիծը։
Օրենքի նախագիծը Ազգային ժողովի նիստում ներկայացրել է Արցախի պաշտպանության փոխնախարար Սերգեյ Առուստամյանը։ Նախագծով առաջարկվում է, ըստ անհրաժեշտության, անցկացնել պահեստազորի ուսումնամարզական հավաքներ։
Пահեստազորի զինծառայողները, սերժանտները և սպաները կարող են վերապատրաստման նպատակով զորակոչվել տարեկան երեք ամսից ոչ ավելի ժամկետով, ավագ ենթասպաների և սպաների պահեստազորայինները (բացառությամբ ավագ սպաների)՝ ոչ ավելի, քան երկու ամիս ժամկետով:
Նախագծի ընդունումը կապահովի Արցախի Հանրապետության տարածքային ամբողջականության ու պաշտպանության կազմակերպմանն առնչվող միջոցառումների լիարժեք իրականացումը։
