«Սոցիալական ցանցերից և մամուլի հրապարակամումներից ծանոթացել եմ Ներքին հանդի խնդիրներին։ Մեր արագ արձագանքման խումբն ուղևորվել է Ներքին հանդ՝ տեղում ծանոթանալու բնակիչների կյանքի պայմանների, անվտանգության հետ կապված խնդիրներին»,- կառավարության նիստից հետո՝ ճեպազրույցի ժամանակ, ասաց ՀՀ Միպ Քրիստինե Գրիգորյանը։
Նա տեղեկացրեց, որ ապրիլի սկզբին պլանավորել է այցելել Սյունիք։ Այցի ճիշտ թիրախավորման վերաբերյալ ուսումնասիրություններ են կատարվում, նա համապաըտասխան տեղեկություններ է հավաքագրում։
Ինչպես հայտնի է, Քրիստինե Գրիգորյանն այցելել էր Արցախ։ Նա տեղեկացրեց, որ իր այցի ժամանակ Խրամորթը լքելու՝ ադրբեջանցիների հայերեն հայտարաություններ են հնչել, հոգեբանական ճնշումներ գործադրվել խրամորթցիների վրա։
«Բնակչության հոգեբանական վիճակը խիստ մտահոգիչ է։ Իմ այցից հետո ինտեսնսիվ կրակոցներ են եղել, ադրբեջանական զինուժը նաև մեծ տրամաչափի զենք է օգտագործել, հետո դադարեցվեց Արցախի գազամատակարարումը»,- պատմեց ՄԻՊ-ը։
Այցի ընթացքում հանդիպել է Ստեփանակերտի ժամանակավոր կացարաններում բնակվող տեղահանված արցախցիների հետ։
«Գոհացուցիչ է, որ Արցախում բնակարանաշինության ծրագիր է իրականացվում, բայց կան զբաղվածության, սոցիալական ադապտացման խնդիրներ։ Ադրբեջանական կողմից ճնշման, հետապնդման, հայաթափման քաղաքականությունը շարունակվում է։ Դրան գումարած այն, որ ադրբեջանցիները թույլ չեն տալիս գազատարի նորոգումը։ Եզրահանգումս այն է, որ այս ամենը մեկ կետից կառավարվող քաղաքականության հետևանք է, նպատակը՝ Արցախում էթնիկ զտում և հայաթափում»,- նշեց Քրիստինե Գրիգորյանը։»,- նշեց Քրիստինե Գրիգորյանը։
