ԱՄՆ-ում ելույթի ժամանակ կրակել են քաղաքական գործիչ, հայտնի ակտիվիստ և հանրապետական կուսակցության կողմնակից Չարլի Քըրքին։
Քըրքին կրակել է դիպուկահարը։ Նա պարանոցի վնասվածք ունի, վնասվել է զարկերակը։ Վիճակը ծայրահեղ ծանր է։
Նախնական տվյալներով՝ դիպուկահարը, որն ԱՄՆ-ում ելույթի ժամանակ կրակել է քաղաքական գործիչ Չարլի Քըրքի վրա, ձերբակալվել է:
՛՛Մենք բոլորս պետք է աղոթենք Չարլի Քըրքի համար, ում վրա կրակել են։ Աստված պահապան նրան՛՛,- ասել է ԱՄՆ նախագահ Դոնալդ Թրամփը:
ԱՄՆ Հետաքննությունների դաշնային բյուրոյի ղեկավար Քեշ Պատելը հայտարարել է, որ գերատեսչությունն ուշադիր հետևում է Չարլի Քըրքի վրա կրակոցի միջադեպին:
Տարբեր աղբյուրներ հաղորդում են, որ ամերիկացի պահպանողական Չարլի Քըրքի դեմ մահափորձ են կատարել Յուտայի համալսարանում ելույթի ժամանակ։
Քըրքը Թրամփի կողմնակիցն է։ Նա պարբերաբար հանդես է գալիս ԱՄՆ դեմոկրատական կուսակցության կողմնակիցների դեմ։
Ավելի վաղ Չարլի Քըրքը հանդես էր գալիս Ուկրաինայում խաղաղության օգտին և հայտարարում էր, որ ռազմական գործողությունները ձեռնտու են միայն ուկրաինացի օլիգարխներին և քաղաքական վերնախավին: Քաղաքական գործիչը նաև պնդել է Ռուսաստանի հետ բարեկամական հարաբերությունների վերականգնման մասին։
