Ադրբեջանում պահվող Գևորգ Սյուջյանի հարցով ես ավելի համառ ձևով եմ զբաղվում, որովհետև ինքը զինվորական չէ և չի կարող որևիցե բանի մեջ մեղադրվել: Այս մասին լրագրողների հետ զրույցում նշեց ԱԺ նախագահ Ալեն Սիմոնյանը՝ անդրադառնալով Ադրբեջանում պահվող գերիների թեմային։
«Դա պրոցես է, որի մասին խոսելը օգուտ չի բերի գործընթացներին։ Ադրբեջանում կա 23 գերի, որից 11-ը ռազմաքաղաքական ղեկավարներն են, մնացածը՝ տարբեր ժամանակահատվածներում վերցված մարդիկ»,- ասաց նա։
Նրա խոսքով՝ գերիների հետ կապված հարցը քննարկելիս Ադրբեջանը իրեն շատ բացասական է դրսևորում․ «Ես Ադրբեջանի գործընկերոջս հետ բարձրաձայնել եմ այդ հարցը ու համարում եմ, որ եթե ադրբեջանական կողմը ուզում է, որ պառլամենտական մակարադակում այն խոսակցությունը, որը իրենք ուզում են արդյունավետ լինի, կարողանա մեր գերիներին հնարավորինս արագ հետ բերել»։
