Արցախի համաժողովրդական շարժումը շարունակում է բողոքի ակցիաները Երևանում։
Ակցիայի մասնակիցներն այսօր կանգ են առել Ֆրանսիայի դեսպանատան դիմաց՝ պահանջելով ոչ թե կոչերով, այլ գործնականում միջամտել, որպեսզի Ադրբեջանը բացի Լաչինի միջանցքը։
«Ո՞ւր են ՄԱԿ-ի երկրները, որոնց թվում է նաև Ֆրանսիան, երբ խախտվում են արցախցի երեխաների կրթության, առողջապահության, ազատ տեղաշարժի իրավունքները, թալանվում են նրանց տները, խոշտանգվում են նրանց հարազատները։ Արցախում այս երեխաների հասակակիցները կրում են մեծագույն սխրանքներ, կիսաքաղցած են ու առանց գազի։ Մենք Արցախն ենք, ո՛չ Արցախի շրջափակմանը»,- դիմելով Ֆրանսիայի դեպանությանը՝ ասացին արցախցի ցուցարարները։
Նրանք երեկվանից են սկսել բողոքի ակցիաները։ Ինչպես արդեն տեղեկացրել ենք, համաժողովրդական շարժման մասնակիցները հուլիսի 17-ին ակցիա են արել ՄԱԿ-ի գրասենյակի դիմաց՝ նույն պահանջով՝ անտարբեր մի՛ եղեք 7 ամիս շրջափակման մեջ գտնվող, քաղցի մատնված արցախահայության նկատմամբ։ Դուք մարդու իրավուքնների պաշտպանության կոնվենցիաներին եք միացել, ձեր հայտարարություններում մարդը բարձրագույն արժեք է, իսկ այսօր 120 հազար մարդ զոհ է գնում կեղտոտ քաղաքականությանը։
