Օքսֆորդի համալսարանի ստեղծած պատվաստանյութը հաջողությամբ անցել է կլինիկական փորձարկումների առաջին փուլը՝ ցուցաբերելով արդյունավետություն և անվտանգություն: Այդ մասին հաղորդում է ՏԱՍՍ գործակալությունը՝ վկայակոչելով բրիտանական The Lancet ամսագրում պատրաստուկի հեղինակների հոդվածը:
Պատվաստվածների մոտ նկատվել են ոչ ուժգին կողմնակի բարդություններ՝ թուլության և գլխացավի տեսքով, որոնք մեղմվել են պարացետամոլի ընդունմամբ:
Լուրջ կողմնակի բարդություններ չկային: Հակամարմիններ արտադրվել են հետազոտության մասնակիցների ավելի քան 96%-ի մոտ, չեզոքացնող հակամարմիններ՝ 85%-ի մոտ:
Միևնույն ժամանակ, բրիտանական պատվաստայութի արդյունավետության վերաբերյալ վերջնական եզրակացություններ կարելի է անել միայն փորձարկումների երրորդ փուլի ավարտից հետո: Ակնկալվում է, որ արդյունքները կլինեն ամռան վերջին կամ աշնան սկզբին:
Չափազանցություն կլիներ 100% վստահությամբ հայտարարելը, թե պատվաստանյութը կստանանք այս կամ նույնիսկ հաջորդ տարի, նշել է Բրիտանիայի վարչապետ Բորիս Ջոնսոնը։
