Ստեփանակերտից Հայաստան նախօրեին քաղաքապետարանի 20 ավտոբուսներ 700 արցախցու են Հայաստան տեղափոխել: Այս մասին հայտնել է Երեւանի քաղաքապետարանի խոսնակ Հայկ Կոստանյանը։
« Յուրաքանչյուր ավտոբուսով 35 արցախցի է Գորիս տեղափոխվել, քաղաքապետարանից այլեւս ավտոբուսներ չեն մեկնելու, քանի որ այլեւս մեծ թվով մեքենանաեր ուղարկելու կարիք չկա: Ստեփանակերտում այլեւս մեծ թվով մարդիկ չեն մնացել, արդեն մյուսների տեղափոխությունը մասնավոր ավտոբուսներով կիրականացվի»,- ասել է քաղաքապետարանի խոսնակը:Նշենք, որ սեպտեմբերի 29-ին ժամը 22:00-ի դրությամբ ԼՂ-ից բռնի տեղահանված 98929 անձ է ժամանել Հայաստանի Հանրապետություն։
