Մեր վստահությունը գալիս է ամենակարևոր գործոնից՝ ժողովրդի ուժից, ՀՀ քաղաքացու ուժից. տեսնեմ այդ ո՞ր ՔՊ-ականն է ընտրելու Փաշինյանի WhatsApp-ի նամակը, թե բազմահազարանոց հասարակական ճնշումն իր վրա։ Այսօր լրագրողների հետ զրույցում այս մասին ասաց «Պատիվ ունեմ» խմբակցության ղեկավար Հայկ Մամիջանյանը՝ անդրադառնալով հարցին, թե որտեղի՞ց իրենց վստահություն, որ ՔՊ–ական պատգամավորները միանալու են իմպիչմենթի գործընթացին։
Լրագրողներից մեկի դիտարկմանը, որ իրենց չի հաջողվում բազմահազարանոց հրապարակներ լցնել, Մամիջանյանը պատասխանեց.
«Դե, որ սենց անեն, բնականաբար չի հաջողվելու։ Եթե նույնիսկ ընդդիմությունը չի կարողանում այս հարցի շուրջ կոնսոլիդացվել, կարծում եմ՝ մենք քաղաքացիներից որևէ բան չենք կարող ակնկալել»։
