Ռուսական խաղաղապահ զորախմբի զինծառայողները Ստեփանակերտի և Լեռնային Ղարաբաղի հեռավոր շրջանների ավելի քան 200 ընտանիքների խմելու ջուր են տրամադրել: Այս մասին հայտնում է ՌԴ ՊՆ-ն:
Երկու օրվա ընթացքում խաղաղապահ զորախմբի նյութատեխնիկական ապահովման ստորաբաժանումները ԼՂ բնակիչներին մոտ 15 տոննա խմելու ջուր են մատակարարել:
Մինչև ջրակայանի վերանորոգման և վերականգնման աշխատանքների ավարտը և ԼՂ քաղաքներում, շրջաններում խողովակաշարերի կառուցումը, խաղաղապահ զորախմբի զինվորականներն ամեն օր ջուր կտրամադրի տեղի բնակիչներին:
«Ռուս խաղաղապահ զորախմբի հրամանատարությունը որոշել է, Ստեփանակերտի տեղական ինքնակառավարման մարմինների դիմումով պայմանավորված, տեղի բնակչությանը խմելու ջրով ապահովել: Մինչ օրս մոտ 10 տոննա խմելու ջուր է տրվել տեղի բնակչությանը », – ասել է ռուսական խաղաղապահ զորախմբի ներկայացուցիչ Վլադիսլավ Դեմկինը:
Բացի սա, ռուս խաղաղապահներն ապահովում են անվտանգությունը Մարտունու շրջանի արտեզյան ջրհորից ջրատարի անցկացման աշխատանքների ժամանակ, որով ջուր է հասցվելու Թաղավարդ և Կարմիր շուկա բնակավայերի բնակիչներին:
