Ռուսաստանին չեն բավարարում Ուկրաինայի վերաբերյալ Դոնալդ Թրամփի թիմի առաջարկները, հայտարարում է ՌԴ արտգործնախարար Սերգեյ Լավրովը։
Նա պարզաբանում է, որ խոսքը ռազմական գործողությունները սառեցնելու, Ուկրաինայի մուտքը ՆԱՏՕ հետաձգելու և երկիր խաղաղապահ ուժեր ներմուծելու պլանների մասին է։
«Մեզ, իհարկե, չի գոհացնում նորընտիր նախագահի թիմի ներկայացուցիչների անունից Ուկրաինայի անդամակցությունը ՆԱՏՕ-ին 20 տարով հետաձգելու, ինչպես նաև «բրիտանական և եվրոպական ուժերի» խաղաղապահ զորակազմ Ուկրաինա մտցնելու առաջարկները», – ասում է ՌԴ արտգործնախարարը։
Սերգեյ Լավրովը նաև նշում է, որ Ջո Բայդենի վարչակազմի հետ շփումներում, որը մինչև պարոն Թրամփի երդմնակալությունը լիազորված է Վաշինգտոնի անունից կապ հաստատել Մոսկվայի հետ, Ուկրաինայի հարցով բանակցությունների մասին խոսք չկա։
