Կան հարցեր, որոնց հետ կապված մոտեցումները տարբեր են։ Իհարկե, չեմ կարծում, որ իրավիճակն այնպիսին է, որ ընդհանուր եզր գտնելու հնարավորությունը սպառված է, լրագրողների հետ զրույցում այսօր ասաց ԱԺ «Պատիվ ունեմ» խմբակցության պատգամավոր Տիգրան Աբրահամյանը՝ պատասխանելով իմպիչմենթի գործընթացում «Հայաստան» խմբակցության դիրքորոշմանը։
Ըստ Աբրահամյանի՝ իր համար սպասելի չէր այդ դիրքորոշումը, ստեղծված իրավիճակում ողջամիտ ճանապարհը պարզապես իմպիչմենթի գործընթացի համար ձևաթղթի տակ ստորագրելն է։
«Լսեցինք մոտեցումը, թե ինչով է պայմանավորված այս պահին ձևաթղթի տակ չստորագրելը։ Ստացանք իրենց հավաստիացումները՝ ինչ-որ փուլում կգան ու կտան իրենց ստորագրությունը»,- ասաց Աբրահամյանը՝ հավելելով, որ «Հայաստան» խմբակցությունում կան մեծ թվով մարդիկ, ում լավ են ճանաչում, կան մարդիկ, որոնք իրականում գիտակցում են երկրում ստեղծված իրավիճակը։
«Քաղաքական իրավիճակն այդպիսին է, աշխատանքը մի քանի հարթությունում է»,- ասաց Տիգրան Աբրահամյանը։
