Փաշինյանի գլխավորած կառավարությունն այսօր՝ նոյեմբերի 25-ին, անցկացնում է իր հերթական նիստը: Նիստի օրակարգում ընդգրկված է ռեկորդային թվով՝ 73 հարց, որից չի զեկուցվում 69-ը: Եվս մեկ հարց գաղտնի է։
Օրակարգում են, մասնավորապես, հետևյալ հարցերը.
– Հայաստանի Հանրապետությունից Եվրասիական տնտեսական միության անդամ չհանդիսացող երկրներ մի շարք ապրանքների արտահանման ժամանակավոր արգելք կիրառելու մասին
– 2026 թվականի ընթացքում Սերբիայի Հանրապետությունից Հայաստանի Հանրապետության տարածք ներմուծվող սերբական ծագում ունեցող առանձին տեսակի ապրանքների նկատմամբ սակագնային քվոտա կիրառելու մասին,
– «Արմենիան քարդ» ՓԲԸ-ի կողմից գործարկվող ԱՐՔԱ վճարային համակարգի միջոցով ֆիզիկական անձանց կողմից կատարված անկանխիկ եղանակով վճարումներից հետվճար տրամադրելու միջոցառումը և կարգը հաստատելու մասին,
– «Կանթեղ շաբաթաթերթ» փակ բաժնետիրական ընկերությունը լուծարելու մասին,
– «Հայաստանի պետական ազգային ակադեմիական երգչախումբ» պետական ոչ առևտրային կազմակերպությունը «Հովհ. Չեքիջյանի անվան Հայաստանի ազգային ակադեմիական երգչախումբ» պետական ոչ առևտրային կազմակերպության վերանվանելու և Հայաստանի Հանրապետության կառավարության 2002 թվականի ապրիլի 17-ի N 419 որոշման մեջ փոփոխություն կատարելու մասին և այլ հարցեր։
