Հայաստանի շախմատի ընտրանու հաջորդ մրցակիցը առցանց Օլիմպիադայում հայտնի է:
«Արմենպրես»-ի հաղորդմամբ` Հայաստանի ընտրանին փլեյ-օֆֆում կմրցի Հունատսանի հավաքականի հետ, որը D ենթախմբում գրավել է երկրորդ տեղը` առաջինը զիջելով ԱՄՆ-ի ընտրանուն:
Հայաստանի հավաքականների կազմերը. Տղամարդկանց թիմում ընդգրկված են Լևոն Արոնյանը, Գաբրիել Սարգսյանը, պահեստայիններն են Հրանտ Մելքումյանը, Սամվել Տեր-Սահակյանը: Մարզիչն է Արշակ Պետրոսյանը: Կանանց թիմում կլինեն Էլինա Դանիելյանը և Լիլիթ Մկրտչյանը: Պահեստայիններ՝ Մարիա Գևորգյան, Սուսաննա Գաբոյան: Մարզիչ՝ Զավեն Անդրիասյան: Մինչև 20 տարեկանների ընտրանու կազմում իրենց ուժերը կփորձեն Հայկ Մարտիրոսյանն ու Աննա Սարգսյանը: Պահեստայիններ՝ Շանթ Սարգսյան, ՄարիամԱվետիսյան: Մարզիչ՝ Արտաշես Մինասյան:
