Հայաստանի խորհրդարանի անվտանգության ծառայությունը կանխել է ռեւանշիստական ընդդիմության պատգամավոր Աննա Մկրտչյանի կողմից կազմակերպված սադրանքը. գրել է ադրբեջանական minval.az-ը։
Նշենք, որ Ազգային ժողովի աշխատանքների մեկնարկին «Պատիվ ունեմ» խմբակցության պատգամավոր Աննա Մկրտչյանը ելույթ է ունեցել և հաշվի առնելով, որ խորհրդարանական դահլիճի պատին վերջերս փակցվել էր ՀՀ քարտեզը, նա էլ Հայաստանի և Լեռնային Ղարաբաղի քարտեզը՝ 7 շրջաններով, փակցրեց ԱԺ ամբիոնին:
Ադրբեջանական լրատվամիջոցը շարունակել է. «Մկրտչյանը ամբիոնին փակցրել է քարտեզ, որի վրա Ղարաբաղը պատկերված է որպես Հայաստանի մաս։ Անվտանգության աշխատակիցներն արագ հեռացրել են սադրիչ պաստառը»։
Այն, որ Ադրբեջանում ուշի-ուշով հետևում են Հայաստանի կառավարիչների վարքագծին, ու նրանց աչքից չի վրիպել, որ Ալեն Սիմոնյանը ԱԺ-ում փակցրել է Հայաստանի Հանրապետությունը ներկայացնող ինչ-որ քարտեզ, որի հետ համաձայն են միայն Քպ-ն ու Ադրբեջանը, զարմանալի չէ ու փաստում է, որ ՀՀ իշխանություն կոչվածը սպասարկում է ադրբեջանական շահն ու օրակարգը։ Իսկ ընդդիմության քայլերը Ադրբեջանում գնահատվում են որպես ռևանշիզմ։
