Մայիսի 8-ի` ժամը 00:00-ից մինչև մայիսի 10-ը ՌԴ-ն հայտարարում է հրադադար՝ ի պատիվ Հայրենական մեծ պատերազմում խորհրդային ժողովրդի Հաղթանակի տոնակատարության: Այս մասին հայտնում է ՌԴ ՊՆ-ն։
Ռազմական գործողությունները կդադարեցվեն։
▪️ՌԴ զինված ուժերը կձեռնարկեն բոլոր անհրաժեշտ միջոցները՝ տոնական միջոցառումների անվտանգությունն ապահովելու համար։
▪️Հրադադարի հայտարարության կապակցությամբ Ռուսաստանը ակնկալում է, որ ուկրաինական կողմը կհետևի իր օրինակին։
▪️ՌԴ ՊՆ-ն ուշադրություն է հրավիրել Կիևի ռեժիմի ղեկավարի՝ Երևանում արված հայտարարության վրա, որտեղ հնչել են սպառնալիքներ մայիսի 9-ին Մոսկվային հարված հասցնելու մասին։
▪️Եթե Ուկրաինան փորձի իրագործել իր հանցավոր ծրագրերը՝ Հաղթանակի օրվա տոնակատարությունը խափանելու նպատակով, ՌԴ ԶՈւ-ն պատասխան հարված կհասցնի Կիևի կենտրոնին։
▪️Ռուսաստանը, չնայած ունեցած հնարավորություններին, մարդասիրական նկատառումներից ելնելով, նախկինում զերծ էր մնացել Կիևի կենտրոնին հարվածներ հասցնելուց։
▪️ՌԴ ՊՆ-ն նախազգուշացրել է Կիևի քաղաքացիական բնակչությանը և օտարերկրյա դիվանագիտական ներկայացուցչությունների աշխատակիցներին՝ ժամանակին լքել քաղաքը։
ՌԴ ԶՈւ-ն համարժեք կարձագանքի Ուկրաինայի կողմից հրադադարի ցանկացած խախտման։ Զանգվածային հարված կհասցվի Կիևի կենտրոնին, եթե Ուկրաինան փորձի խափանել Հաղթանակի օրը։
