Սեպտեմբերի 25-ից Արցախից Հայաստան տանող ճանապարհը գերծանրաբեռնված է։ Բռնի տեղահանված արցախցիները 38-40 ժամում են հասնում Գորիս։ Շատերի բենզինը ճանապարհին՝ կուտակումների մեջ, վերջանում է։ Վարորդները բենզին չունեցող կամ անսարք մեքենաները կապում են իրենց մեքենաներից ու քարշ տալով հասցնում Կոռնիձոր։
Ճանապարհին մարդկանց սննդի ու ջրի պաշարը վերջանում է։
Ստեփանակերտից դեպի Հակարիի կամուրջ ճանապարհահատվածում որոշ մասեր ճաք են տվել ու փլուզվելու եզրին են։ Ճանապարհը չի դիմանում ավտոմեքենաների հոսքին ու ծանրությանը։
