Հնդկական օվկիանոսի հյուսիսում խոցվել է Իսրայելին պատկանող նավ

Իրանագետ Ահարոն Վարդանյանի ՖԲ էջից, –

Իրանական ԶԼՄ-ների փոխանցմամբ Սաուդյան Արաբիայից դուրս եկած և Պարսից ծոցով ԱՄԷ ուղևորվող իսրայելական Zodiac Mari կազմակերպությանը պատկանող CSAV TYDALL նավը խոցվել է անհայտ հանգամանքներում։

Այս լուրը որևէ բանով չէր գրավի ուշադրությունս, եթե մի քանի օր առաջ Մադագասկար կղզու մոտակայքում գտնվող, Ֆրանսիային պատկանող Ռեյունիոն կղզում Հնդկական Օվկիանոսի առափնյա երկրների ռազմածովային ուժերի հրամանատարների հավաքին ԻԻՀ Բանակի ՌԾՈւ ուժերի հրամանատար, ծովակալ Հոսեյն Խանզադին ֆրանիսացի իր պաշտոնակից Պիեռ Վանդիեի հետ հանդիպման ընթացքում չասեր, որ ԱՄՆ, ԵՄ  և արտատարածաշրջանային նավերը պետք է հեռանան Պարսից ծոցից և Օման ծովից։

Արևմտյան Ասիայում արտատարածաշրջանային  ուժերի ներկայությունը և անվտանգության անցանկալի դասավորումները չեն ամրապնդում հավաքական անվտանգությունը, ուստի  պետք է այդ ուժերը լքեն տարածաշրջանը, եթե ոչ՝ ԻԻՀ ՌԾՈւ-երը պատրաստ են պատժել ցանկացածին։