Ուկրաինական պատվիրակության և ռուսական կողմի միջև բանակցությունների հաջորդ փուլը նախատեսվում է անցկացնել հուլիսի 23-ին, Թուրքիայում. իր երեկոյան ելույթում հայտարարել է Ուկրաինայի նախագահ Վլադիմիր Զելենսկին։
Զելենսկին նշել է, որ Ազգային անվտանգության և պաշտպանության խորհրդի քարտուղար Ռուստեմ Ումերովի հետ քննարկել է առաջիկա հանդիպման և գերիների փոխանակման նախապատրաստական աշխատանքները։
«Ումերովը հայտնել է, որ հանդիպումը նախատեսված է չորեքշաբթի։ Ավելի մանրամասն տեղեկատվություն կտրամադրվի վաղը», – հայտնել է նա։
