Իշխանությունը, ընտրելով վատագույն տարբերակը, փորձեց խաղալ արևմուտքի և արևելքի միջև առկա հակամարտության վրա՝ թուլացնելով Հայաստանի՝ որպես ինքնիշխան պետության դիրքերը: Այս մասին «Հայկական օրակարգ. շարունակություն` հանրահավաքներից հետո» թեմայով պանելային քննարկման ժամանակ ասաց ԲՀԿ-ական Արման Աբովյանը:
«Վալդայը ազդարարեց՝ ՌԴ-ն հասկանում է, որ արևմտյան նախագծի հիմքում ընկած է ռուսական ռազմադիվանագիտական ու ռազմաքաղաքականության ներկայության նվազեցումը, ապագայում՝ դուրսբերումը տարածաշրջանից: Պայմանական կարելի է ասել, որ Հայաստանի և Արցախի գոյությունը բխում է երկու հիմանական խաղացողների՝ Իրանի և Ռուսաստանի շահերից, քանի որ համըկնում է նրանց կենսական շահերի հետ»,-վստահեցնում է նախկին պատգամավորը:
Սոչիում հայկական կողմը հարցի հիմնարար լուծման եղանակը գցեց ռուսների «գրպանը»:
Գործ ունենք տեղեկատվական տեռորի հետ, որտեղ բանականությունը տանուլ է տալիս. նշեց Արման Աբովյանը:
«Ի սկզբանե պետք է հասկանանք խաղացողների, Հայաստանի, Արցախի նպատակները: Արցախի նպատակը հանրահավաքի ժամանակ ի ցույց դրվեց։ Ասաց՝ աշխարհ, ես չեմ ուզում կոտորվել: Ինչ վերեբերում է Հայաստանում տեղի ունեցած հանրահավաքին, ես այն կարծիքին եմ, որ մարդիկ հոգնել են, մարդկանց չի բավարարում կարծիք հայտնելը»,- նշեց Արման Աբովյանը:
Ըստ ԲՀԿ անդամի՝ այլևս ժամանակավրեպ է փաստի արձանագրումը, երկիրը փրկելու հստակ գործողություների ժամանակն է:
Ավելին՝ տեսանյութում:
