Ադրբեջանցի բռնակալն ու ցաղասպանն այսօր Սարսանգի ջրամբարի մոտ ադրբեջանական դրոշ է բարձրացրել։
Ադրբեջանի կողմից օկուպացված Արցախի Մարտակերտ քաղաքից 15 կմ հարավ-արևմուտք գտնվող Սարսանգի ջրամբարը, որը 1970 թվականին Թարթառ գետի միջին հոսանքում է կառուցվել ու շահագործման հանձնվել 1976 թվականին, նույնպես մնացել է Ադրբեջանի տիրապետության տակ։
Նշենք, որ Սարսանգի վրա կառուցվել է ՋԷԿ, որն ունի 110 մեգավատտ հզորություն։
Քանի որ Ադրբեջանի ջրային պաշարները բավարար չեն, Բաքվի բռնապետ Ալիևն աչքադրել է Արցախի ու Հայաստանի ջրային ռեսուրսները, և ինչպես տեսնում ենք, նա նպատակադրված հասնում է իր ուզածին։ Ձեռք գցեց նաև Սարսանգի ջրամբարին։
Միայն մի փաստ արձանագրենք. Արցախի Հանրպետության էլեկտրաէներգիայի 60 տոկոսը մատակարարում էր Սարսանգի ՋԷԿ-ը։
Ջրամբարի ջրատարողությունը շուրջ 600 մլն մ³ է, օգտակարը՝ 550 միլիոն մ³, իսկ 50 մլն մ³-ը մեռյալ է համարվում և չի թույլատվում օգտագործել ջրթողքը՝ 900 մ³/վ։ Պատվարը հողային է, բարձրությունը՝ 120 մ, երկարությունը՝ 550 մ, ստորին հատվածի լայնությունը՝ մոտ 500 մ։ Այդպիսի պատվարաններ աշխարհում շատ քիչ են։
