Նոյեմբերի 1-ից հասարակական տրանսպորտից օգտվելիս որոշակի փոփոխություններ են կատարվել. ֆեյսբուքյան էջում գրել է քաղաքապետի մամլո խոսնակ Հայկ Կոստանյանը։
«Մասնավորապես Man, ZhongTong և GazelCity տրանսպորտից օգտվելիս առաջարկվել էր վճարման 3 տարբերակ։
Նոյեմբերի 1-ին «Երևանի ավտոբուս» ՓԲԸ-ի կողմից հավաքագրվել է 31 678 200 ՀՀ դրամ, որից 5 215 300-ը վալիդատորների միջոցով (բջջային հավելված QR, թղթային QR):
Իսկ դրա նախորդ օրը՝ հոկտեմբերի 31-ի հավաքագրումները կազմել են 30 694 500 ՀՀ դրամ, որից 1 970 900-ը վալիդատորների միջոցով։
Մինչև ամբողջական տոմսային համակարգին անցումը, առաջիկայում հնարավոր է լինելու վճարում իրականացնել նաև բանկային քարտերի միջոցով»,- գրել է Կոստանյանը։
Հիշեցնենք, որ «Մայր Հայաստան» խմբակցությունից Երևանի ավագանու անդամ Մեսրոպ Մանուկյանը 2 օր առաջ հայտարարել է,որ ըստ քաղաքային իշխանությունների՝ վերգետնյա տրանսպորտից ամեն օր օգտվում է 600. 000 ուղևոր։ Մինչ այժմ, օրական հավաքագրվել է 30 միլիոն դրամ, իսկ մնացած 30 միլինոը մնացել է ստվերում։ Ստացվում է՝ ուևորավարձի վճարման փոփոխությունից հետո օրական հավաքագրվող գումարի չափը գրեթե նույնն է մնացել։
