Լեհաստանի իշխանությունները մտադիր են ԱՄՆ-ից գնված Abrams տեսակի 250 տանկ տեղադրել արևելյան սահմաններին: Այս մասին լեհական ռադիոյի եթերում ասել է երկրի պաշտպանության նախարար Մարիուշ Բլաշակը. հայտնում է «ՌԻԱ Նովոստի»-ն:
Բլաշչակն ասել է, որ «250 գերժամանակակից տանկեր, որոնք տեղակայվելու են արևելքում», Լեհաստանը նախատեսում է ստանալ մինչև 2022 թվականը:
Այն, որ Լեհաստանի իշխանությունները մտադիր են ԱՄՆ-ից գնել 250 տանկ, հայտնի դարձավ 2021 թվականի հուլիսին: Այնուհետեւ փոխվարչապետ Յարոսլավ Կաչինսկին՝ ազգային անվտանգության հարցերով պատասխանատուն, հայտարարել էր, որ խոսքը M1A2 Abrams SEPv3 տանկերի մասին է:
M1A2 SEP v3-ը Abrams տանկերի վերջին մոդիֆիկացիան է: Այս զրահամեքենայի սերիական արտադրությունը սկսվել է 2017 թվականին. այն նախորդ սերունդներից առանձնանում է ուժեղացված զրահով:
2020 թվականի օգոստոսին Լեհաստանը և ԱՄՆ-ն ավարտել են պաշտպանական ոլորտում համագործակցության ընդլայնման շուրջ բանակցությունները:
