Ես կասեմ, որ հասուն տղամարդիկ, որոնք տարիներ շարունակ հայ կնոջը վիրավորել են, թիրախավորել են, ես շատ զարմացած եմ, որ իրեն տղամարդ համարող մարդը կարող է վիրավորվել մի իրավիճակից, երբ իրեն պարզապես պատասխանել են իր բառերի կեսի չափով: Այս մասին այսօր լրագրողների հետ զրույցում նշեց Էկոնոմիկայի նախարար Գևորգ Պապոյանը՝ անդրադառնալով ՀՀ վարչապետի տիկնոջ՝ վերջին շրջանում ՀՀ քաղաքացիների հասցեին վիրավորական գրառումներ և որակումներ անելու գործելաոճին։
«Փոխանակ ամաչեն իրենց տղամարդ համարող այդ մարդիկ, երբ կնոջը նստած վիրավորում են իրենց գրառումներով, մի հատ էլ ձեզ մոտ զարմանք է առաջանում: Ձեզ մոտ հինգ, վեց կամ չորս, երեք, երկու տարի առաջ, որ զարմանք առաջանար ու այդ մարդկանց ասեիք, որ «Չես ամաչու՞մ, քեզ տղամարդ ես համարում, բայց նստած կնոջից բամբասում ես, ու կնոջը վիրավորում ես, երեխաների մորը վիրավում ես», այդ հարցը չէր առաջանա»,- ասաց Գևորգ Պապոյանը:
