Իրանն ու Հայաստանը բնական հարևաններ են և բնականաբար, եթե Հայաստանի անվտանգային հարցերի հետ կապված մտահոգություններ լինեն, Իրանը կարող է այդ առումով երաշխավորություն տալ . այդ ամենն Իրանի վրա էլ է ազդում։ Իրանը պատրաստ է երաշխիքներ տալ անվտանգային հարցերում։ Այս մասին լրագրողների հետ զրույցում այսօր՝ «Արցախ. չլուծված հակամարտություն, վերադարձի իրավունք» միջազգային համաժողովի ժամանակ, հայտարարեց իրանցի միջազգային փորձագետ Էհսան Մովահեդյանը՝ շրջանակներում։
«Մենք վստահ ենք, որ ԱՄՆ-ն Հայաստան չի գալու Հայաստանի անվտանգությունն ապահովելու համար, այլ տարածաշրջանը անկայունացնելու, Ռուսաստանին, Իրանին, ապա նաև Չինաստանին վնասելու համար։ ԱՄՆ-ն փորձում է Հայաստանի բնակիչներին միմյանց դեմ հանել», – նշել է փորձագետը։
Նա ընդգծեց, որ Սյունիքի հարցը շարունակում է կարմիր գիծ է Իրանի համար, և Իրանը պատրաստ է անվտանգային երաշխիքներ տրամադրել Հայաստանին։
«Եթե ԱՄՆ-ն փորձի ավելորդ քայլեր անել, բնականաբար Իրանից պատասխան ստանալու է»,- նշեց Էհսան Մովահեդյանը։
