Իրանը չունի ռազմական ուժ՝ 12-օրյա պատերազմից հետո «Թրամփի ճանապարհը» փակելու համար։ Այս մասին գրում է Reuters-ը։
Գործակալությունը, մասնավորապես, նշում է. «Վերլուծաբաններն ու ներքին աղբյուրները նշում են, որ Իրանը չունի ռազմական ուժ՝ միջանցքը փակելու համար, քանի որ ԱՄՆ-ի կողմից իր վրա գործադրվող ճնշումները՝ կապված իր վիճահարույց միջուկային ծրագրի և հունիսին Իսրայելի հետ 12-օրյա պատերազմի հետևանքների հետ, աճում են»:
Հիշեցնենք, որ այսօր ավելի վաղ Իրանի գերագույն առաջնորդի միջազգային հարցերով խորհրդական Ալի Աքբար Վելայաթին հայտարարել է. «Հարավային Կովկասն անտեր տարածաշրջա՞ն է, որ Թրամփը կարողանա վարձակալել։ Այս միջանցքը տնտեսական ճանապարհ չի լինի, այլ կդառնա «Թրամփի վարձկանների գերեզմանատուն», և Իրանը Ռուսաստանի հետ կամ առանց նրա կկանգնեցնի այն»։
