Գազայի հատվածում ցամաքային գործողություն չի լինի, եթե ՀԱՄԱՍ-ը ազատի բոլոր գերիներին և հանձնվի. հայտարարել է Իսրայելի պաշտպանության բանակի խոսնակ Ջոնաթան Կոնրիկուսը Ավստրալիայի ABC ռադիոկայանին տված հարցազրույցում։
«Եթե ՀԱՄԱՍ-ը դուրս գա իսրայելցի խաղաղ բնակիչների թիկունքում գտնվող իր թաքստոցներից, վերադարձնի մեր պատանդներին՝ բոլոր 212-ին, և հանձնվի անվերապահորեն, ապա պատերազմը կավարտվի»,- ասել է նա։
Եթե ՀԱՄԱՍ-ը դա չանի, ապա իսրայելական բանակը ստիպված կլինի ցամաքային գործողություն իրականացնել․ հավելել է Կոնրիկուսը։
Միևնույն ժամանակ, նա չի կարողացել միանշանակ պատասխանել հաղորդավարի այն հարցին, թե որն է Իսրայելի պաշտպանության բանակի առաջնահերթությունը՝ ՀԱՄԱՍ-ի ամբողջական ոչնչացումը, թե՞ բոլոր բանտարկյալների ազատումը:
Կոնրիկուսը նաև մեկնաբանել է ամբողջ աշխարհում Պաղեստինին աջակցող բողոքի ցույցերը․ «Եթե դուք ցանկանում եք լինել ահաբեկիչների կողքին և աջակցել նրանց, դա ձեր ընտրությունն է։ Եթե դուք ՀԱՄԱՍ-ի բռնում եք բռնում, կարծում եմ, որ ձեր բարոյականության հետ կապված՝ ինչ-որ բան այն չէ»,- ասել է նա:
