Ո՞ւմ է նվիրված այն
Մեծ Բրիտանիայի թագավորական դրամահատարանը թողարկել է երգիչ Ջորջ Մայքլին նվիրված մետաղադրամ։ «The Independent» պարբերականը գրում է, որ մանրադրամը հատվել է լուսահոգի երգչի՝ 1987-ին թողարկված «Faith» հիթի մոտիվներով։
«Մեղադրամի թողարկմամբ՝ եզրափակվում է թագավորական դրամահատարանի «Երաժշտության լեգենդներ» շարքը»,- գրում է թերթն ու հիշեցնում, որ նախկինում պատրաստվել էին «Who» եւ «Queen» խմբերի, ինչպես նաեւ՝ երաժիշտներ Դեյվիդ Բոուիի եւ Էլթոն Ջոնի պատկերներով մետաղադրամները։
Ջորջ Մայքլին փողի վրա պատկերել է իտալացի դիզայներ Սանդրա Դեյանան։ «Ջանացել եմ այնպես անել, որ մետաղադրամի վրայի ամեն մի գիծն արտացոլի երգչի «պաշտամունքային կերպարը»,- թերթին տված հարցազրույցում ասել է Դեյանան։
Մետաղադրամի վրա պատկերված է երգիչը՝ արեւային ակնոցով։
Պարբերականի տեղեկություններով՝ անվանական մետաղադրամները լույս են տեսել սահմանափակ թվով՝ 4 ոսկե եւ 3 արածաթե օրինակով։
Ս․Վ․
