Ռուսաստանի հարցերով թուրք վերլուծաբան Քերիմ Հասը իր տեսակետներն է ներկայացրել Թուրքիայի՝ Ադրբեջանին աջակցելու եւ Արցախի դեմ պատերազմում սիրիացի ահաբեկիչների ներգրավման վերաբերյալ։
Թուրքական Ahval–ում հրապարակված հոդվածում Քերիմ Հասը շեշտել է, որ Թուրքիան Կովկասում Պուտինի նյարդերի վրա է ազդում եւ հասել է «կարմիր գծերին»։
Քերիմ Հասի խոսքով՝ Թուրքան Ղարաբաղը խառնել է Սիրիայի կամ Լիբիայի հետ։ «Ղարաբաղը ՌԴ–ի անմիջական ազդեցության գոտին է, եւ Ռուսաստանը Թուրքիային թույլ չի տա ավելի շատ միջամտել։ Թեև արտաքուստ Պուտինը լռում է, իրականում նա ունի քաղաքականություն։ Պուտինը կարող է փորձել նաեւ ավելի շատ արեւմտամետ գիծ բռնած Փաշինյանին «ճիշտ ուղղու» վրա դնելու ռազմավարությունը։
Էրդողանը ջիհադական ահաբեկիչներին դարձրել է Թուրքիայի արտաքին քաղաքականության ամենակարեւորը գործիքը։
«Արդեն քիչ է մնում, որ Ռուսաստանը բացեիբաց հայտարարի, որ Լեռնային Ղարաբաղ ջիհադական ահաբեկիչներին Սիրիայից բերել է Էրդողանի Թուրքիան»,–նշել է Քերիմ Հասը։
Աղբյուր՝ News.am
