Էդգար Ղազարյանը հուլիսի 5-ի երեկոյան նախաձեռնած «Արժանապատվության հեղափոխություն» հանրահավաքից հետո գիշերը նստացույց է արել Բաղրամյան 26-ում։
Նա կոչ է արել անցակետ տեղադրել, որպեսզի Նիկոլ Փաշինյանն այդտեղով անցնի ու զգա այն, ինչ զգում են արցախցիներն ադրբեջանական անցակետով անցնելիս։
Էդգար Ղազարյանն ամբողջ գիշեր հետևել է ու տեսել, որ Բաղրամյան պողոտայում ու հարակից տարածքում ոստիկանական ուժերն ավելանում են։
Նա ափսոսանք է հայտնել, որ նախաձեռնությանը շատ մարդիկ չեն միացել, իրենց շարքերը չեն համալրվում։
Տանը հեռուստացույցով լուրերին հետելիս լսում ենք, թե ինչպես են ՀՀ իշխանությունները շարունակում սպասարկել թշնամու շահերը, Արցախը հանձնելուց հետո, հաջորդը Հայաստանն է լինելու։ Ինչո՞վ եք համոզված, որ Սյունիքը, Տիգրանաշենը, Տավուշի գյուղերը վերցնելուց հետո, հաջորդը Երևանը չի լինելու։ Փաշինյանն ինքն է ասել, որ փակ հանդիպումների ժամանակ Ալիևն ասել է, որ Հայաստանի ամբողջ տարածքի նկատմամբ հավակնություններ ունի, բացի այդ, ռազմական գործողությունների վտանգը միշտ կա։
«Դուրս մի եկեք, մի աջակցեք, նստեք տանը ու սպասեք, թե որն է լինելու հաջորդ տարածքը, որ Փաշինյանը հանձնելու է Ադրբեջանին։ Մինչև այստեղ հանրության մեծ զանգված չլինի, հնարավոր չի լինի ճնշում գործադրել օրվա իշխանությունների վրա։ Ոստիկանական մեծ ուժեր կան, բախումների գնալ պետք չէ, բայց այս նախաձեռնությունը պետք է հանրային մեծ հնչեղություն ստանա»,-կարծում է Էդգար Ղազարյանը։
Նա մինչև ժամը 18։00-ն կսպասի իր աջակիցներին։
