«Հայաստանի էլեկտրական ցանցեր» ընկերության վաճառքի դեպքում, եթե կլինի տրամաբանական գին, ՀՀ կառավարությունը շատ լրջորեն կքննարկի գնման տարբերակը։ Եթե գինը շատ մեծ լինի, և ակնհայտ կլինի, որ պետբյուջեի միջոցներով հնարավոր չի լինի այդ ձեռքբերումն իրականացնել, կգնանք երկրորդ սցենարով, այսօր լրագրողների հետ զրույցում հայտարարեց Հայաստանի վարչապետ Նիկոլ Փաշինյանը։
Ըստ նրա՝ երկրորդ սցենարն այն է, որ ՀԷՑ-ը միջազգային հեղինակավոր կազմակերպության կողմից մասնավորեցվում է՝ կառավարության որոշակի ներկայացվածությամբ՝ օրենսդրական, բաժնետոմսեր և այլն։
«Բոլոր դեպքերում պետք է վճարել ՀԷՑ-ին, հարցն այն է, թե ով. մի սցենարի դեպքում կառավարությունը, մյուս սցենարի դեպքում՝ նա, ով ձեռք կբերի ընկերությունը»,- նշեց Փաշինյանը։
