«Բաքվի նախաձեռնող խումբը կրթաթոշակներ կտրամադրի գաղութատիրության դեմ պայքարող երկրների երիտասարդներին»,-հայտարարվել է Կոնգրեսում։ Մասնակցել են Կորսիկայի, Մելանեզիայի, Պոլինեզիայի, Կարիբյան և Անտիլյան կղզիների խմբի անկախության համար համար պայքարող 15 քաղաքական կուսակցությունների և շարժումների առաջնորդներ։
Քննարկումը կազմակերպել է Ժողովրդական կուսակցությունը՝ Գվադելուպայի ազատագրման միության և Բաքվի նախաձեռնող խմբի անդամ Աբբաս Աբասովի աջակցությամբ։
«Այս տարվանից մեր կազմակերպությունը կրթաթոշակներ կտրամադրի այն երիտասարդներին, ովքեր ցանկանում են սովորել Ադրբեջանում: Բաքվի նախաձեռնող խումբը նշում է, որ ֆրանսիական ոստիկանությունը, ձերբակալելով գաղութատիրական շարժման անդամներին, նրանց վերաբերվել է որպես ահաբեկիչների և բանտարկյալների ընտանիքներին գաղտնի տեղափոխել Փարիզ»,- ասել է Աբաս Աբասովը։
Օկուպանտ ու ցեղասպան Ադրբեջանը, որը միջազգային իրավունքի բոլոր նորմերը ոչնչացնելով, աշխարհի աչքի առաջ պատերազմեց շրջափակված Արցախի դեմ, ապա արցախցիներին բռնի տեղահանեց իրենց Հայրենիքից, միջազգային հարթակներում ու Կոնգրեսում հանդես է գալիս որպես բռնության, գաղութատիրության դեմ «պայքարող» երկիր։ Բնականաբար, Բաքվի թիրախը Ֆրանսիան է, պատճառը՝ Հայաստանին զենք տրամադրելը։
Հայաստանի տարածք ներխուժած Ադրբեջանը սիրաշահում է օտարներին՝ խոստանալով կրթաթոշակ տրամադրել Ադրբեջանում սովորող օտարերկրյա ուսանողներին։
Թող ՀՀ ղեկավարը հեծանիվ քշի, Բեռլինում ֆուտբոլ նայի կնոջ հետ, դպրոցներից ցնցուղ ու ծորակ պոկի, Կիրանցում պատ կառուցի…
Մինչ նա «պետական» հույժ կարևոր գործերով է զբաղված՝ Բաքուն իր բռի մեջ է հավաքում ու իր կողմը քաշում աշխարհի բախտը որոշող երկրներին։
